திகட்ட திகட்ட நாகரிகம். எங்கும் எதிலும் சுத்தம். பகட்டான தினசரி வாழ்க்கை. இத்தனையும் இருந்தும்,
காலை எழுந்தவுடன் பக்கத்தில் குறட்டை விட்டு தூங்கும், நைட் ஷிப்ட் போய்விட்டு வந்த நண்பன்..
பக்கத்து வீட்டில் இட்லி சாம்பருக்காக பருப்பு தாளிக்கும் மணம்..
கரப்பான் பூச்சிகள் நெளியும் கழிப்பறை..
சிகரட் பாக்கட் பக்கதில் வீற்றிருக்கும் தொந்தி கணபதி படம்..
நெற்றி வியர்வை வழிய நடந்து போய் வேன் பயணம்..
கூடவே பயணிக்கும் பெயர் தெரியாத அதே சமயம் அடிக்கடி கவனம் கவரும் அழகு கணிணி பெண்..
யுனிட் வாசலில் எப்பொழுதும் சல்யுட் அடிக்கும் செக்யுரிட்டி..
வருகை பதிவேடாக எப்பொழுதும் தொடும் அதே அரத பழசான கணிணி..
மத்தியான உணவுக்கு வரிசையாக அழைக்கும் நண்பர்கள்..
சுமாராக இருந்தாலும் நெஞ்சை நிறைக்கும் சௌத் இன்டியன் உணவு..
அதன் பிறகு வரும் மதி மயக்கும் இளம் தூக்கம்..
பர பரவென டெலிவரி மெயில் அடிக்கும் அவசரம்..
பாலாஜி மெஸ்ஸில் வெலையாட்களை அடித்து துரத்தி வேலை வாங்கும் முதலாளி..
20 ரூபாய்க்கு வயிற்றை நிரப்பும் இட்லி மற்றும் தோசை..
வீட்டில் அன்றைக்கான வேலை பற்றிய நகைச்சுவை விமரிசனங்கள்..
துவைத்து பல மாதங்களான தலைகாணி, போர்வை, பாய்..
தூக்கம் வராமல் எதை எதையொ நினைக்கும் பொல்லாத மனம்..
வெள்ளி கிழமை ஏறும் 102B விறைவு வண்டி..
நியாபகத்தில் அடுத்த இரண்டு நாட்களுக்கான ஈடற்ற அம்மா சமையல்..
யாரிடமும் அதிகம் பேசாமல், TVயில் மட்டுமே வாழும் சனி & ஞாயிறு..
திங்கள் அதிகாலை பேருந்து பயணம்..
இது எதுவும் இல்லை. தவிக்க வைத்த போதும் தாய் நாடு, தாகம் தீர்க்கும் புஷ்கரணி. வெளி நாடு??
Thursday, August 31, 2006
Subscribe to:
Post Comments (Atom)
சூரியன்
குளிரும் வெயிலும் வெம்மையும் மனதின் ஓட்டைக்குள் ஒளிந்திருக்கும் உயிர் நாடி என நினைக்கிறேன். ஒவ்வொன்றின் தாக்கமும், வீச்சும் மனிதனின் வெளிப...
-
பேய் பசி அன்று. அரக்க பரக்க fridge துழாவியதில், பார்த்து இளித்தது நேற்றைய ரசம். எதை செய்தாலும் மெகாவாக செய்து பழக்கமாகிவிட்டதால், இன்னமும் ...
-
குளிரும் வெயிலும் வெம்மையும் மனதின் ஓட்டைக்குள் ஒளிந்திருக்கும் உயிர் நாடி என நினைக்கிறேன். ஒவ்வொன்றின் தாக்கமும், வீச்சும் மனிதனின் வெளிப...
-
அரண்மனையில் ஒரே குழப்பம் பரிசில் பெறப்போவது எந்தக் கவிதை? அனைத்திலும் சிறந்த கவிதை பேசாமலேயே இருந்தது மேலோட்டத்தில் இருந்த ஒன்று சிறு சலனத்த...
No comments:
Post a Comment