ரெய்னர் மரியா ரில்கே

முதல் மொழிமாற்று முயற்சி. வெற்றி, தோல்வி என்பதை தாண்டி, எனக்கு பட்டதாய் தோன்றியதை எழுதியோ அல்லது கிறுக்கியோ இருக்கிறேன்.

மூலம் - எழுதியது ரெய்னர் மரியா ரில்கே

என் தமிழ்ப்பிரதி

எனக்கு

பாடி தூங்க வைக்க ஒருவர் வேண்டும் 

தோள் தொட்டு உட்காரவும், கூடவே இருக்கவும், 

தொட்டுணரவும், காதில் இசைக்கவும் 

பயணியாய் கனவிலும், எப்பொழுதிலும்...

கூதல் காற்று இரவை உனக்கு சொல்வதும்,

உன் சொல் இறங்குமிடமும் ,

அந்த சொல்லை காட்டில் இறக்கிவைக்கவும்,

மரத்திற்கு சொல்லவும்,

நான் மட்டுமே உனக்கு இருக்க வேண்டும்...

கடிகார முட்கள் மோதிக்கொள்கின்றன 

காலம் அதன் மிச்சத்தை காட்டிக்கொள்கிறது 

கதவுக்கு அப்பால் 

தெருநாய் குரைப்பை தாண்டி 

அந்த சத்தம் எழுப்பிய உறக்கத்தை தாண்டி

ஒரு மௌனம் நிரம்பிக்கொண்டு தான் இருக்கிறது...

என் கண்கள் உன் உடல்தோள் தொட்டிருக்கும் 

வேளையில் 

உன் நிழல் இருட்டில் வெளிவந்தால் 

சரிதான் போ என விட்டுவிடுவேன்...