பாதாள மனிதர்கள்

என்னை அழுத்தம் கொடுத்த 

அந்த மரண நொடிகளை 

தேடிக்கொண்டே இருக்கிறேன் 

திரும்ப கிடைக்காது 

என்கிறார்கள் 

கிடைத்தால் திரும்ப 

பார்க்க வேண்டும் 

எப்படி எல்லாம் 

அது என்னை 

சித்திரவதை படுத்தியது 

அதே நொடி தான் 

இன்னொருவனுக்கு சுகபோகத்தை 

தந்தது

கேட்டால் உன் நேரம் 

சரியில்லையாம்

நொடிக்கு என்ன 

ஆள் பார்த்து 

செய்கை செய்து 

வைக்கும் வேலையா 

அது நானே வரவழைத்துக்கொண்டது 

இப்போது சொல்கிறார்கள் 

பார், எல்லாம் உன்னால்தான் 

புரிகிறது 

நான் எங்கு விழுகிறேனோ 

அங்கு தான் அனைவரும் 

குடியிருந்து என்னை வரவேற்கிறார்கள்.

ஒரு நாள் அவர்கள் 

விழத்தானே போகிறார்கள் 

அப்போது நான் கயிறு 

கொண்டு வருகிறேன்.