வெளியேற்றம்

 மனிதப்பிறவி வெளியேறும்
வசதி கொண்டது
பிறக்கும் பொழுதின் வெளியேற்றம்
கொண்டாட்ட வாழ்க்கையின்
முதல் சிறகடிப்பு
பெற்றோர் விட்டு வெளியேற்றம்
மிச்சமுள்ள வாழ்வின்
முதல் கல்
உடல் விட்டு உடல் வெளியேற்றம்
தனக்கு பிறகான தன்னின்
குழந்தைக் களியாட்டம்
நோய் விட்டு உடல் வெளியேற்றம்
முற்றும் முடிந்த ஒரு ஆற்றின்
கடல் சேரும் சம்பவ கூச்சல்
ஒவ்வொன்றிலும் வெளியேற்றம்
உள் சென்றது எப்போது
சிப்பியின் முத்து
சிரித்தது!!!